كشفت الفنانة والإعلامية إسعاد يونس عن رسالة والدتها لها قائلة: أمي كانت دايماً تقولي متتكسريش أنتي كورة مش طقطوقة.. الكورة تترمي تطلع لفوق لكن الطقطوقة تتكسر.. إنتي مش جماد أي حاجة تقطمك.
وأضافت: بعد زواج جوزي للمرة الثانية .. في الأول كنت في حالة صدمة وغيرة وبكاء وحالة درامية وبعدين قعدت أفكر هل أنا مثالية وجميلة الجميلات؟ لأ طبعا.
وتابعت: الراجل ده أنا بحترمه وممكن أتخلى عن كونه يتجوز مقابل إني معايا كل الكنز ده، كمان الولاد كانوا سبب كبير في إني أكمل في علاقة الزواج بعد جوازه للمرة التانية.
وأشارت: أفضال الراجل ده عليا كبيرة.. وابتديت أهدى لأن الظروف جمعتنا أنا وضرتي ولقيت إنهم حبوا بعض وهي شايفاني قدوتها.. وهي هتخلف وهيبقى في صلة دم بيننا وكان لازم أخلي الوضع ده متحضر.
واختتمت إسعاد يونس حديثها قائلة: أنا تميت 39 سنة متجوزة.. النهاردة مفيش جوازة بتستحمل 3 سنين.
المؤشر تايمز 