تحدث النجم خالد الصاوي عن الاكتئاب قائلاً: “فكرت فى الانتحار من قبل”.

وقال خالد الصاوى: “علاقتى مع القلم مخلصتش أبدا بحب أكتب كل يوم وقدمت 3 كتب فى 3 سنين ولسه بشك أنا شاعر كويس ولا لأ، وجيت عند كتابى نبى بلا أتباع الاكتئاب كان هيموتنى وخوفت أروح أعمل حاجة جنونية وكنت بفكر أنتحر وعلاقتى بالدين مكنتش قوية بقيت قوية السنوات الماضية.

وأضاف: وقتها كنت بفكر أخد خطوة الانتحار بس يكون ليها هدف بس قولت اكيد دى مش نهايتى.

وتابع: النجم خالد صالح حبيبى الله يرحمه واحنا فى سن 17 سنة كان بيقولى أنت عامل زى الدبابة اللى بتدور على هدف بس لحد ما تلاقى الهدف بتتخبط، وتبعت وحاولت ونشرت على حسابى كذا مرة.