شاركت النجمة السورية نسرين طافش جمهورها ومتابعيها مقطع فيديو عبر حسابها الرسمي بموقع إنستجرام استعرضت من خلاله مهارتها في الرسم واللوحة التي تعمل عليها في الوقت الحالي.

وكتبت: فان كوخ ودافنشي وسيلفادور دالي و بيكاسو انتحرو بليلة مافيها ضي قمر بعد ما شافو لوحاتي .. بعتذر من كل رسامين العالم على الابداع تبعي .. بس للامانة بحب لوحاتي كتير.

وأضافت: استمتعت متل الطفل الصغير بكل لحظة كنت عم خربش فيها و اتعلم تكنيك جديد من اليوتيوب الاستمتاع باللحظة هوة اهم شي .. غني لنفسك حتى لو صوتك مش حلو ارسم حتى لو مانك بيكاسو العب حتى لو زادو ارقام عمرك ارقص كانو ما حدى عم يطلع عليه .. خليك حر و طفل بكل لحظة و بكل شي بتعملو و حب حتى صحن السلطة يللي بتعملو من قلبك .. المهم انك تستمتع بكل لحظة و ما تاخد شي عن جد زيادة عن اللزوم لانو رح تتعب و الحياة مهما طولت قصيرة.

يذكر أن آخر أعمال نسرين طافش كان مسلسل جوقة عزيزة والذي شاركها بطولته كلاً من: هبة نور، وسام حنا، أيمن رضا، سلوم حداد، علي كريم والمسلسل من تأليف خلدون قتلان وإخراج تامر إسحاق.