حلت الفنانة هندية ضيفة ببرنامج “أخر كلام” التى تقدمة ياسمين عز ، وكان لها العديد من التصريحات والأسرار وقصة زوجها من دكتور جامعى .

حيث كشفت الفنانة هندية عن السر وراه ارتدائها النقاب لمدة 3 سنوات، وعن تراجعه عنه بـ أمر من الطبيب الخاص بها بعد فترة طويلة .

وقالت :”تزوجت من دكتور جامعة لمدة 11 سنة، وكان بيدعمني وبيساعدني، كنت بقول له هلبس حجاب كان يوافق، حتى أنا لبست نقاب لمدة 3 سنين، والموضوع بدأ إني كنت قاعدة في الجامع وبصلي وواحدة جت رمت كُتيب في حجري، وأول حاجة قرأتها إن لازم الست تلبس كفن قبل الوفاة.

واضاف هندية : “أنا اترعبت وقُلت يا خرابي، ونزلت لقيتهم بيبعوا الملحفة جبتها ولبستها، وخفت قُلت دي رسالة مبعوتالي، وقلعته لما تعبت وجالي حساسية صدر، وروحت لـ دكتور قالي اقلعي النقاب وأنا مسؤول.

واشارت هندية الى: أنا متحجبتش علشان مبقاش كذابة، ولكن غطيت شعري ولبست إيشارب صغير، وبعد انفصالي عن زوجي دكتور الجامعة أصدقائي قالولي لازم تنزلي وتتحركي.

وتابعت، أن الفنان الراحل أحمد دياب، هو من أقنعها بالتخلي عن الحجاب، موضحة: قابلت الفنان أحمد دياب رحمة الله عليه، قالي يا أبيض يا أسود، يا تقلعي الحجاب خالص علشان تمثلي يا تقعدي في البيت، وقلعت الحجاب بعد 11 سنة.

وقالت الراقصة هندية عن زيجات طليقها رجل الأعمال أيمن السويدي، بعد انفصالهما , وعن سر انتحاره .

تزوج بعدي الفنانة ذكرى، ومكنش فيه أي غيرة، لأن ذكرى، كانت طيبة خالص وصاحبتي جدًا الله يرحمها، وكنت بقعد معاها كتير أوي قبل ما تتجوزه، ولما اتجوزته مزعلتش.

وأضاف هندية: واتجوز ممثلة معروفة اسمها جيهان القمري، وأول ما بشوفها بقول لها أهلًا ضُرتي، وبقول لـ حنان ترك أهلًا ضُرتي، أصل ده موضوع وانتهى من زمان، والمهم إن وهو معايا كان ماشي زي الساعة، كنت أقول له الساعة 8 تبقى موجود في البيت كان يقولي حاضر، وكان بيسمع كلامي جدًا وواثق فيا إني بعمله كل خير.

واوضحت هندية: الله أعلم، سرهم عند ربنا، وأنا من معاشرتي ليه هو ممكن ينتحر أه، وهو كان الأنا عنده عالية أوي، لأن جده كان شغال في البرلمان، وجدته تركية وكانوا أغنياء غنى فاحش، وهو كان دلوعة العائلة كلها مفيش غيره، وكان متدلع بزيادة، وكان ممكن يكون شارب، الله أعلم.