كشف الفنان أحمد سلامة, عن حقيقة خلافه مع ابنته الفنانة سارة سلامة ،مما اثار جدلا كبيرا فى حديثه.

وقال سلامة ,خلال لقاءه في برنامج “نص الكلام”, معلقا: “محصلش خلاف خالص، ومفيش حد يعرف يسيطر على جيل السوشيال ميديا والعالم المفتوح، وفعلًا السوشيال ميديا بتربي معانا العالم، والسوشيال ميديا نقمة على العالم وخلى أفكار الناس منفتحة.

واضاف سلامة: “سارة متربية في حي السيدة زينب، قولتلها متعملش كده تاني بس مش لدرجة الخلاف، قولتلها ده بره مش هنا لأن هنا مجتمع شرقي، مينفعش نتخطاه، هي وعدتني مش هتعمل كدا، أنا مش ديكتاتور، أنا بناقش ومش هقول لأ هقول لأ لي”.

وتابع: ” زي ما طلعت سارة في مسلسل ابن حلال، وهي لابسة شورت واتهاجمت أنا وهي وابن الحلال كان أول عمل ليها وكان في ستايلست وخلتها تلبس كده، وكان عمرها ساعتها 18 أو 19 سنة ولبسوها كدا، وهي متعرفش حاجة، ومؤخرًا بتهاجم بس عشان سارة، وبحاول أعمل كنترول عليها”.