تحدثت الفنانة روبي خلال الحلقة عن بدايتها قائلة: “اسمى الحقيقى رانيا حسين وفى البيت بينادونى بيه، واسم روبى فنى بحت، وأنا في الأول استغربته”.

وأضافت: “لما كنت بعمل سكوت حنصور مع يوسف شاهين، كان بيحبنى جدا فكان بيدلعنى عشان صغيرة وقالى في رانيات كتير أوى وقالى مش هايبقى اسمك رانيا وقالى هاسميكى سحر، فقلتله نعم لا مش عوزاه، فقالى هافكر وبعد كده قالى على اسم روبى وعجبنى إنه سهل النطق وله معنى”.

وتابعت: “أنا دخلت المجال وأنا في ثانوية عامة، موديل إعلانات دخلت عشان أجيب فلوس آخد دروس ثانوية واشترى لبس وكدة، ومكنش عمرى أفكر إنى اشتهر لأن أنا دخلاه بهدف مادى بحت، وفجأة لقيت نفسى دخلت في أفلام وسينما ولقيت نفسى اتشهرت بس مكنش عمرى أفتكر إنى اتشهر”.