علقت الفنانة عايدة رياض , على طقوسها في عيد الأضحى، وكيف تحتفل مع أصدقائها المسلمين، مؤكدة أنه لا يوجد فرق بين المسيحي والمسلم في مصر.

وكتبت عايدة عبر صفحتها الشخصية على انستجرام:”انا مسيحية وبحتفل بعيد الأضحى انا مش شايفة إن الموضوع كان مستاهل كل الضجة دي إطلاقا.. كوني مسيحية وبشارك في الأضاحي وباكل فتة وبنعيش اجواء العيد مع بعض و دي حاجة مش بتقلل مني أو حتى بتثير الجدل بالعكس ده شیء محمود جدا”.

واضافت عايدة :”الذبح عموما موجود في كل الاديان السماوية و موجود في ديانتنا وبنشترك كلنا و بنضحي و بنتجمع كالعادة و خلي الي يتكلم يتكلم … و انا متعودة على كدا من زمان و عمر ما حد كان بيسأل على ديانة حد ايه الدين لله و الوطن للجميع و كلنا ف الآخر مصريين اخوات و أهل و صحاب و احبة و مفيش فرق بينا إطلاقا و لما حد كان بيتكلم كلمة مش كويسة عن الإسلام
كنت بطلع ارد بنفسي لأننا واحد يا جماعة مفيش فرق بينا”.

واعربت رياض:” لأننا بنتشارك الوطن الي بيجمعنا على المحبة و الود و طول عمرنا ايد واحدة و هنفضل ايد واحدة و يقول غير كدا دول ناس فاضية و انا مش عايزة ادخل في جدل مع حد من دول.. يارب دايما متجمعين في الخير و دایما اخوات و أهل وصحاب و جیران و حبایب و دایما ايد واحدة و ربنا يخلينا لبعض”.