عدد من الشعراء ومطربين ، دعم بهاء الدين محمد ، فى أزمتة الاخيرة مع شيرين عبد الوهاب ،، بعد أن ردت على سؤال ومن ضمن الأسئلة التي وجهت لها على إنستجرام أكثر أغنية ندمت على تقديمها

، وكانت إجابتها: “أغنية ما تجرحنيش”، ثم رد عليها الشاعر بهاد الدين برسالة طويلة عبر حسابه على فيس بوك”.

ورد الشاعر تامر حسين: “أستاذنا وكبيرنا عبقرى العباقرة هو إحنا عندنا كام بهاء الدين محمد؟ تاريخ عظيم واستمرارية لحد يومنا وأنا الحقيقة معرفش ده رد شيرين بنفسها ولا حد من إدارة السوشيال ميديا ويمكن خانها التعبير أو ماتقصدش العمل الفنى لأنها أغنية قيمة كلام ولحن وتوزيع وخاطرك كبير عندنا كلنا أستاذنا ولا تزعل نفسك أكيد شيرين مايرضيهاش يوصلك الإحساس ده (يا تاريخ) ياحبيبى وأغانيك العظيمة لو كتبتهالك فى بوست مش هنخلص”،

وقال الشاعر خالد تاج: “الدين يا بوب يا كبير متزعلش نفسك ولو عبد الوهاب نفسه زعلك نصحيه يعتذرلك”.

وكتب الفنان مينا عطا، قائلاً: “أستاذ الأجيال كلها كدة كدة وعلى أى وضع والله”، فيما قالت الفنانة شذى: “دى أغنية عظيمة وكلام عظيم من شاعر مهم جدًا وأستاذ كبير أى حد يتشرف يغني من كلماته”

ويعود سبب الازمة ت صرحت عبر حسابها على موقع التواصل الاجتماعى انستجرام بندمها الشديد على أغنية “ماتجرحنيش” للشاعر بهاء الدين محمد.

وأغضب تصريح شيرين عبد الوهاب الشاعر بهاء الدين محمد والذى قرر ان يهاجمها بقوة عبر صفحته على موقع التواصل الاجتماعى فيسبوك ونرصد فى التقرير التالى القصة الكاملة لازمة شيرين عبد الوهاب وبهاء الدين محمد.

تعود التفاصيل ،كانت مع الفنانة شيرين عبد الوهاب التى وجهت لها سؤالا عبر حسابها على انستحرام من احد متابعيها عن اغنية ندمت على تقديمها لترد قائلة : “اغنية ماتجرحنيش” للشاعر بهاء الدين محمد.

الامر الذى اثار غضب الشاعر بهاء الدين محمد والذى قرر يرد عليها عبر صفحته على فيسبوك : “مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!” .

وتابع بهاء الدين محمد : وحأتكلم بإختصار جدا : المشهد الأول : ..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!” .

واضاف بهاء الدين محمد والمشهد الثانى : رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة

واوضح بهاء الدين محمد : المشهد الثالث .. لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطة زى دى !!! لأن المشهد ده مش لايق على المشهد الأول.

وأشار بهاء الدين محمد الى المشهد الرابع والأخير : أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . ، وماتجرحنيش من أهم أعمالى ومن حقى أدافع عنها نتاج تهور اللى غنيتها

وأخير قال بهاء الدين محمد : وكمان لأول مرة الاقى حد بيحارب نَفسه وبيغلط ف مبدعين إشتركوا ف صناعته !!! .. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم”.