حالة من الجدل مازالت تفرضها الفنانة سمية الخشاب بتصريحاتها الجريئة حول تفاصيل طلاقها من الفنان أحمد سعد، وخاصة بعد تصدره السوشيال ميديا بعد دخوله عالم التيك توك، إذ قامت بالإجابة على بعض أسئلة متابعيها بشكل صريح.
أكد الجمهور على أنها تريند دائم عبر تويتر، علقت الخشاب وقالت:” ياريت زملاء الدراسه والعمل يفصلوا بين شخصيه تويتر وشخصيه الحياه العامه، وميجبوش سيره تويتر خالص عشان المفروض تويتر safe space وما يحدث في تويتر يدفن في تويتر”..
كما علقت على منشور أحد متابعيها الذي يصف ان جمال البنت يأتي من “الاوتفيت” أي ملابسها ، وليس أخلاقها، بترد عليه وتعلق ” بنات بتلبس لبس مش محتشم واخلاقهم انضف ميت مره من بنات محتشمه وبترسمها” ..
كما قامت باحراج احد متابعيها سخر منها معلقا :”شكلك عايزة تتجوزي”، لترد:”لا مش عاوزه بس لو انت عاوز هشوفلك عريس حاضر”.
وعبرت منذ فترة عن غضبها من السخرية من استئصال طحالها، وعلقت قائلة: “أنا فقدت طحالي وفي ناس بتطلع كوميك وتهزر ودي حاجات لا تصح، ولازم الناس تحترم مشاعر الناس ومينفعش نهزر على كل حاجة والدنيا دواره وكله سلف ودين، وده لعب على مصائب ومشاكل الناس وأوجاع الناس”، وسخرت قائلة: “أنا بطلت أتوجع وبقى دمي خفيف بعد ما فقدت طحالي وبقيت فرفوشة”.
وكشفت الخشاب عن وجود بعض الشخصيات الحاقد في كل عائلة ، وكتبت” كلنا عندنا قريبه سوسه بتحقد علينا وبتشوف كل اللي بنعمله علي السوشيال ميديا وصورنا وكل حاجه وتعمل تقرير وتروح توريه لمامتها واول ما ام البنت دي تتصل بمامتنا بنعرف انه it’s too late”.
أضافت “بقي القريبه دي مش سهله وعايشاها بالطول والعرض والواحد مبيعرفش يمسك عليها اي غلط بيبقي عندها اكاونت للعيله واكونت لحياتها الغير معلنه وتيجي انتي يا مسكينه تكحي تلاقي الريبورت وصل لمامتك علي طول” ..
فجرت الخشاب، مفاجأة من العيار الثقيل بعد رد على أحد متابعيها على حسابها الخاص بـ”تويتر” عندما سألها عن كيفية تجاوز أزمة طلاقها من الفنان أحمد سعد، قائلاً: الفنانة عملت موف أون أزاي، لترد سمية الخشاب : “لا الموف أون كان سهل، وكل شوية اكتشف أن ربنا أنقذني، وله حكمة في كل حاجة”.
المؤشر تايمز 