شوق الفنان تامر حسني, جمهوره بالصور الأولى من كواليس فيلمه الجديد “بحبك”، برفقة بطلة العمل الفنانة هنا الزاهد، والفنان حمدي الميرغني.

وكتب حسني على الصور عبر صفحته الشخصية على الـ فيسبوك قائلا: “مساء الهنا على أغلى ناس على قلبي أنا، دي صور من أول يومين تصوير لفيلمنا الجديد بحبك، طبعًا في ناس هتقرأ اسم الفيلم بحبِك، وناس هتقرأه بحبَك، دا طبعًا مقصود عشان في دراما الفيلم هنبحث طول الوقت عن مدى صدق كلمة بحبِك، من الرجل للأنثى، وبحبَك من الأنثى للرجل، في أحداث فعلًا محيره جدًا”.

واضاف حسني: الفيلم أكيد فيه ضحك بس في إطار رومانسي بحت مش موجود بقاله كتير، وتشرفت بمشاركة نجمة اليوم والمستقبل الجميلة هنا الزاهد، ومبسوط أني أول من اكتشفها في بداية حياتها، وفي الفيلم دا بكتشفها تاني، وبقدمها بشكل جديد عليها وعليكم، ومبسوط جدًا لمشاركة حبيب قلبي، نجم الكوميديا الكبير حمدي الميرغني، اللي هيعمل إن شاء الله شغل رهيب، في الفيلم كعادته الجميلة.

واختتم حسني: للأسف لسه مصورش علشان أنزل صوره، بس في أول يوم تصوير له ههريه صور، وانتظروا بعد أيام انضمام نجمة جميلة مميزة، من نجوم المستقبل اللي هيكون ليها مستقبل كبير إن شاء الله، وفرحان جدًا بانضمام الفنان الموهوب أوي مدحت إسماعيل اللي عامل دور زي العسل، وربنا يكتب له فيه كل النجاح، ويكرمه ويكرمنا معاه، والفيلم من إنتاج حبايب قلبي وأصدقاء العمر سينرچي أحمد بدوي تي إيتش برودكشن حسام حسني، سكاي ليميت أحمد الدسوقي.