كشفت باكينام ابنة الفنان الراحل صلاح رشوان، خلال مداخلة هاتفية مع برنامج 8 الصبح، كواليس ترشيح والدها لتقديم شخصية الرئيس الأسبق محمد حسني مبارك، في عمل درامي وتحدثت عن العديد من الأسرار.

ومن ابرز تصريحات ابنة الفنان صلاح رشوان مع برنامج 8 الصبح فى ذكرى وفاته بتكون صعبة جدًا عليا، أنا طوال الوقت محتاجه له. وكان دايما يقولي أنا راضي جدًا بالمكانة اللي وصلتلها، لأني دخلت قلوب الناس كلها.

صلاح رشوان مكنش يعنيه دور البطولة المطلقة، مكنش بتهمة الفلوس قد ما هو حابب يقدم حاجة، الناس تفضل فاكراه بيها. كما قدم خلال مشواره الفني رسالة عايشة في قلوب الناس لحد دلوقتي.

وكان هيجسد قصة حياة مبارك في مسلسل؛ لكن المشروع توقف في البداية لأسباب رقابية وبعدين مرض والدي. لما جالوا السرطان بدأ رحلة علاجه واللي استمرت 5 سنوات.دخل المستشفى ومكث لمدة 40 يوما أثناء تصوير مسلسل الخواجة عبد القادر.

-صور المسلسل كله وهو مركب قسطرة، وكان بيقول بنسى تعبي قدام الكاميرا.